「人生」
好多時我哋都會講人生無常，但係幾多人真係明白固中嘅意思？人生本身就係來也匆匆去也匆匆，何必執著一啲虛無飄渺嘅嘢呢？如果你無經歷過大起大跌，無去體驗其他地方嘅風土人情，其實講真係幾難明箇中道理。而當你明白嘅時候又可能已經泥足深陷，無法自拔，或者甚至乎去到人生嘅盡頭。所以話凡事睇開啲，人都精神啲。活在當下，珍惜眼前嘅一切。
「控制」
有啲人以為可以控制自己嘅人生，其實定係人生控制返自己？就好似尋日咁，一個職業滑浪選手係南非比賽咁，突如其來嘅一條鯊魚無端端係比賽期間襲擊佢。真係死裏逃生，睇見都驚！真係執返身彩。所以話呢，世事難料，邊個會估到下一刻會發生乜嘢事。無人可以話百分百掌握自己嘅命運，但係就可以用正面嘅態度去面對人生，去面對唔同嘅困境，逆境逢生！
「態度」
有時見到有啲人怨天怨地，講真好多時埋怨咁多有乜用？倒不如積極面對人生啦！啱啱出世你就話無得揀，但係人大咗路係自己揀，所以有乜好怨呢？就算係揀錯咗又點？都揀咗啦，咁咪繼續行囉，你又點知係唔係苦盡甘來呢？條條大路通羅馬，真係好小事，因為無嚟刻嘅你，就無將來嘅你。而現在嘅你係成就以前嘅你。態度主宰一切，人生不在乎長短，只在乎精彩！
