「香港」
返咗嚟香港咁多年，其實得一個感覺！就係好落後！點解？因為表面好似好先進，科技同網絡都好發達，但係其實就正正相反！論發展，香港俾其他國家慢。論人工，香港十年無變過。論政䇿，香港基本上無。論人才，香港又俾其他國家弱。論市場，香港又唔係大。論投資，香港大部分係外資。咁香港仲講乜嘢創新，乜嘢科技？當然我哋都有本土出產嘅科技公司揚威海外！但係都係小數！
「創局」
我知道今日講「創科局」嚟個咁敏感嘅議題，或多或少都會有支持同反對嘅聲音！首先我想講嘅係你認同不認同，我係覺得有需要！所以不喜勿入！如果係因為政府同個不知所謂嘅特首我明白。如果你話因為怕創科局又變成另一隻大白象我都明。不過十年後，香港仲有冇人做科技嚟行？我真係唔知！因為科技人員係香港嘅地位同身價根本一文不值！個個都係錢行先，就算做都係去做金融公司。死未？
「撥款」
所以如果香港政府唔係咁多問題嘅話，你又會支持嗎？作為一個做咗十幾年同科技有關嘅我，真係無法想像香港大部分嘅科技人員都係賤過地底泥！人工唔高，地位唔高，發展等同無。同人地講係香港讀科技，做科技，第一個反應係覺得你無前途。大家反對個位我明，但係無人主導政策未仲衰？當然業界可以決定邊個係局長，推行乜嘢政策就最好！講到尾大家都係為科技界好，想出一分力。所以希望大家對事唔好對人。
