「傳心」
唔知大家有冇聽過「動物傳心」嚟樣嘢。雖然好似「睇相」同「占卜」咁，信不信由你，但係我自己就相信只要有生命嘅嘢就有可能溝通。不論方法係點，我覺得每樣嘢都有一定嘅「磁場」同「能量」所包圍。由其係動物，佢哋係有靈性，而當你屋企係有養寵物嘅話，其實佢哋係家庭嘅一份子。你嘅喜怒哀樂，佢哋係知道亦感受得到。所以我相信有「動物傳心」嚟樣嘢！
「家貓」
好啦，終於真相大白啦！老婆搵咗個動物傳心師問阿大仔究竟係乜嘢原因導致右邊上面同下面兩隻虎齒。原來係佢自己玩嘅時候撞到牆，佢話當時自己都嚇咗跳，但係自己就覺得冇乜嘢因為唔痛，但係直到去食嘢嘅時候就感覺到痛。當然我哋亦有同佢講帶佢去剝牙好唔好，因為怕佢繼續落去會影響其他牙仔。點知佢話：「我唔鍾意去嗰度（睇醫生）！吓？咁預約咗未？」
「感激」
我個大仔真係好乖好生性，而當傳心師同我哋講返大仔點回答我哋問佢嘅問題嘅時候，真係好好笑！問佢知唔知道媽咪有咗細佬，佢話知，仲話好開心！開心嘅係有多個人服侍佢，同埋叫我哋帶細佬俾佢摸吓，話俾佢知我係阿哥！但係佢話佢怕噪，怕細佬喊，所以如果細佬喊佢就會閃人！之後問佢如果我哋搬屋好唔好，佢就話依家嗰度幾好呀，好鐘意可以跳上跳落，但係如果我哋要搬都無計，亦尊重我哋嘅決定！其實佢係好念舊！
