「好心」
一場粉塵爆，換嚟一場腥風血雨！講嘅就當然係「張潤衡」！當年我唔係香港但係「八仙嶺」山火而奪去五位師生嘅性命我諗好多香港人一定仲記得。而今次，張潤衡以香港灼傷互助會副主席身份去台灣探望傷者而引起不同嘅討論，真係唔知係唔係「好心做壞事」。先不論當年誰是誰非，其實係唔係真係需要嚟刻飛去台灣呢？會唔會係別人傷口灑鹽？
「事實」
其實邊個想面對事實？如果今日有個人企係你面前話俾你知因為你嚴重燒傷而你嘅康復之路係好漫長，好辛苦，甚至毀容，你嘅反應會點？不論係唔係家屬嘅要求，嚟一刻係唔係先要處理好傷者嘅傷勢之後先做心理治療呢？當然事實係好難面對，但係事件剛發生咗唔夠一個星期，而當務之急就梗係盡快做適當治療！大家不如先關心嗰班細路先啦！
「討論」
大家呢幾日就當然係討論同追究九六年「八仙嶺」山火係因為邊個學生吸煙同帶打火機同張潤衡今次去台灣係做騷定真係出於好意。如果張潤衡真係當年遺棄未熄嘅煙頭而導致山火嘅元兇，而且咁多年都欺騙全世界。我諗佢有排俾人鬧！其實嚟次意外第一個令我諗起嘅係「任家萱」多過「張潤衡」，因為佢都係過來人。點都好啦，最緊要其他傷者可以早日康復同堅強咁生存落去！
