「平等」
現今社會每個人都係講求平等同互相尊重，唔同人或種族都應該有選擇自己嘅生活而不受歧視嘅權利。要做到人人平等，講就其實好易，但係要實踐係好難。有時甚至要借助法律去平衡社會嘅分歧。試問係歷史上面，有邊次嘅改革唔係透過修改憲法令社會改變？好多時將平等掛係咀邊係無用，但係要推動一個國家去改變真係唔容易，而要所有人去接受就更加難！
「歷史」
今日係俾『彩虹』洗版嘅一日！因為美國最高法院宣佈，同性伴侶有權係全美國五十個州份結婚，而奧巴馬亦係社交平台都發表今次嘅裁決係邁向平等一大步。當然爭取咁多年，終於講得出就得到，要堅持同面對不同反對嘅聲音實在唔容易。所以「世上無難事，只怕有心人」，只要堅持自己覺得啱嘅嘢，就算成功與否，唔試過又點知得唔得呢？
「背景」
彩虹旗，係象徵『女同性戀者』、『同性戀者』、『雙性戀者』同『跨性別者』嘅旗幟。依家最常用嘅彩虹旗係源自一九七九年嘅「六色彩虹旗」，而每隻顏色係有不同嘅意思。
最早期嘅彩虹旗係有八隻顏色：
『粉紅色』代表「性」
『紅色』代表「生命」
『橙色』代表「治癒」
『黃色』代表「陽光」
『緑色』代表「自然」
『青綠色』代表「藝術」同「魔術」
『靛青色』代表「和諧」同「寧靜」
『紫色』代表「精神」
