「抽水」
見大家抽得咁開心，等我又抽下水先！不過唔好打頭！嚟幾日大家都喺度討論緊「Snickers」個新抽水廣告：「十做九錯 全因肚餓？！」。當然係香港嚟個地方，好多公司都會周不時抽吓水。但係抽中就話啫，如果唔係一個唔覺意抽錯嘅話，後果唔單止影響品牌之外，之後要處理佢都幾煩。所以抽水同買大細一樣，一係就贏，一係就輸，或者通殺！
「品牌」
當然作為一個大品牌，要決定用抽水嚟仲推廣手法係一個好勇敢嘅行為。咁「抽水」嘅目的係乜？唔同品牌或者有唔同目的。提高品牌形象？提高銷售額？提高知名度？無論係點「抽水」唔一定有正面嘅效果，但係如果係搏出位，攞知名度嘅話都或者不失一個策略。但係「抽水」過後就真係要諗諗之後點做好，如果唔係就好似幾年前「Soliton」咁。依家唔知仲有幾多人記得呢個音樂平台。
「創作」
當然今次抽水嘅尺度都幾勁，因為連政治都玩埋。所以我諗大家都好驚訝，堂堂一個大品牌竟然鋌而走險玩到咁大！但係今次「Snickers」同「Soliton」玩歌詞一樣，網民好快就出咗個「抽水器」真係佩服！如果大家都想創作自己嘅「Snickers」抽水廣告，不妨去下面個網頁整番個！無論今次「Snickers」抽唔抽得到，大家嘅焦點其實都係果啲金句！
