「退任」
相信好多香港人都唔會唔記得呢位剛退任嘅前一哥曾偉雄。當然記得嘅唔係咩嘢好嘢，而係佢在任嘅時候嘅種種歪理。不過就算佢卸任又點？警隊嘅形象一落千丈。對於好多仲未解決嘅案件到嚟刻仍然仲未有一個公平嘅裁決。真係留低一大筆蘇州屎俾新一哥去處理！當然佢卸任之後就真係話之你啦，都唔關佢事喇嘛，以後鬧就鬧新上任嗰個！
「一哥」
至於新一哥「盧偉聰」原來張履歷都好似好勁！1984年7月投身警隊，任職見習督察。2005年晉升為總警司，2009年晉升為警務處助理處長。係2011年晉升為警務處高級助理處長。2013年8月出任警務處副處長！無論點都好，香港市民最緊張嘅嘢就係公平，公正，不偏不倚！希望佢上任之後可以做啲嘢俾香港市民睇，唔好得個講字！
「警民」
盧偉聰今日開始出任警務處處長，係記者會提到警隊工作目標，以及警民關係同警隊形象，強調警察都係以香港為家，同樣係香港人，希望可以做到「警民一家」。其實邊個唔當邊個係香港人？現今警察捉賊又見佢咁叻，淨係識得欺壓香港市民，就算佢哋犯錯，市民竟然無從入手。先唔好話佢哋有冇罪，因為呢樣嘢係由法庭去處理。既然警察都係香港人，咁唔該依法辦事！知法犯法，罪加一等呀！
