「器材」
現今嘅科技，個個都可以擁有一部專業相機。但係有幾多人會認真去思考每一下快門背後所記錄嘅一刻到底嘅意義？當然好多人唔會，原因係今日大家可以無限地㩒個快門，而相片再無雖要攞去晒相舖沖晒菲林。所以依家影相實在太容易。再加上後期製作，就算張相影得唔好都可以執返靚佢。另外器材貴唔代表張相會靚，器材平又未必差，所以何必要太在乎器材嘅價值呢？
「科技」
當然科技日新月異，所以可以令好多普通人都影到好多好似好專業嘅相。但係嚟個分別唔係個個人可以好容易睇到。唯一嘅方法就係我哋經常講嘅直出。直出係一張無用電腦加工過嘅相，所以從一張直出嘅相就可以睇到構圖同其他嘅設定。不過，好多時依家啲數碼單反同無反嘅相機內置好多唔同嘅設定，所以就算直出嘅相有可能已經執好咗！
「索尼」
老實講，我係一個索尼相機嘅粉絲。原因係我覺得佢哋影出嚟嘅風景嘅顏色特別鮮明，所以係十年前已經開始用佢哋啲單反相機。但係有時下下拎部大機出街真係有啲麻煩，所要當佢哋一出無反就即刻換機。到依家佢哋出咗全片幅嘅無反真係冇嘢講！越嚟越勁！再加上神器，蔡司鏡頭真無得頂！當然價錢亦都係成正比，不過我覺得物有所值！
