「續集」
終於有時間去睇「復仇者聯盟2：奧創紀元」，但係睇完之後就覺得一般般。原因佢地太過貪心，想係短短一百四十四分鐘講太多野同埋下太多伏線！所以今集好多人都話睇唔明，因為好劇情都零零碎碎！要完全明白所有來龍去脈最好嘅方法就係睇反漫畫。就算你睇晒之前 Mavel 嘅電影都未必跟到今集嘅劇情！
「奧創」
好多人應該唔明「奧創」其實係啲嘜！最簡單嘅解釋就係人工智能！當然佢同漫畫有啲出入！但係點都好，係電影入面好似已經死咗，不過因為佢係無實體而生存係網絡入面，所以就算佢死咗，只要一日有網絡嘅存在，佢係可以無限復活！作為一個保衛世界嘅電腦智能程式，除非將全世界嘅網絡剷除，如果唔係佢一定會存在。
「後續」
相信好多人最其待嘅就係 Iron Man 啲新武器！但係如果下一集「復仇者聯盟」冇咗 Iron Man，咁大家仲有無興趣去追呢？仲有之後一大堆嘅分支，包括「美國隊長」，「奇異博士」，「星際異攻隊」，「雷神」，「驚奇隊長」，「異人族」，等等。真係睇多十年二十年都未睇晒！大家準備慢慢等，慢慢追，慢慢睇！
