「理想」
首先乜嘢係理想？理想係一個美好嘅願望，一個人嘅抱負，一個宏偉嘅目標！話明係理想就梗係天馬行空！咁我嘅理想係乜？我以前好細個會話做消防員，大咗就想做建築師，但係之後覺得好癲因為建築師要捱更抵夜所以之後就想做創意總監。但係今日嘅我好明顯就同細個嘅理想越嚟越無關係。咁我嚟刻嘅理想係乜，得一個就係「活得精彩」！
「創業」
每個人都會想創業！而有啲人係因為理想去創業。我創業都係為咗一個理想，呢個理想就係令香港變成「亞洲數據分析中心」！係，真係有啲妙想天開！不過最少五年前無人知乜嘢係數據分析，到依家多咗人講，多咗人知道佢嘅重要性，連大學都開始研究開數據科學嘅課程。所以理想係一個目標，成唔成功無人知，但係有時人係要面對現實。
「催眠」
好多人都將自己嘅理想「理想化」！而好多創業嘅人都會係咁，包括我在內！所以要學識面對現實，唔好太「理想化」。如果唔係就好似俾催眠咁，越嚟越迷失。有時又啲嘢唔到你唔放棄，因為好多嘢唔係你一個人話去改變就可以改變。自問唔係亦無咁嘅能力。不過呢個世界真係有好多咁嘅人！欺騙到自己，但係欺騙唔到人。所以有時現實啲好！
