「綁匪」
香港好多年都好似無試過發生咁大單嘅綁票案。據報導指班綁匪全部係內地人，而且勒索富商嘅金額高達港幣二千八百萬。事件中綁匪竟然成功攞走啲贖金並且逃脫，好彩嘅係肉參安全被釋放。相信被綁架嘅富家女真係經歷生死一百一十四小時，因為真係唔知有無命返屋企，仲要係一個女仔就更加危險。
「警察」
當警察得知肉參安全被釋放之後，隨即就展開代號「捷進行動」係全香港嘅「海陸空」搜捕綁匪。其間啲警察係港九新界多條主要隧道及幹線，包括紅磡海底隧道、將軍澳隧道、獅子山隧道、九龍灣壠福道、元朗青山公路等，及沙田及馬鞍山一帶均設置路障。在場嘅警察都著住避彈衣，荷槍實彈截查可疑車輛。
「總結」
今次嘅事件就證明咗香港啲警察真係唔識捉賊。當啲綁匪走甩咗就賴呢樣果樣，例如：因為要保障人質嘅安全，因為係網上面駕駛者發佈路障位置，因為最近有人以非理性衝擊警方執法權力及抹黑警方導致不守法風氣係香港流行，等等！我淨係想講啲警察「講就叻，捉賊就無能為力」，就好似上次有賊打劫錶行咁。要等一排先被中國公安拉咗。
