「廣告」
今日見到一個前輩講開某啲大企業用「數據」嚟分析用戶嘅行為，然後再利用嚟啲用戶行為數據好針對性咁推廣告俾大家。就好似 Facebook 同 Google 咁，佢哋都係利用大家嘅數據去俾其他公司賣廣告。事實上某程度係比較有效，但係刀係無兩頭利，因為好多人都會覺得好煩（包括我自己）。有時候真係唔可以單憑數據就以為可以一統天下！
「意義」
我之前都講過利用數據係要有個平衡。就利用廣告嚟做例子！首先乜嘢係廣告？廣告係一種傳播信息嘅方法，但係如果因為分析客戶數據而投其所好，淨係提供你認為佢哋鍾意嘅信息，咁廣告嘅意義去咗邊？如果透過數據而針對性推廣，咁其實有少少似直銷多啲！而如果過份使用行為營銷，咁其實同銀行日日打比你叫你借錢一樣。你會覺得超級煩！
「專業」
雖然我係做數據分析，但係就係因為做得多，同認真對待自己嘅專業！所以我唔會淨係講數據嘅優點，而亦都要討論佢嘅缺點。一個專業嘅數據分析師一定要學曉平衡。數據唔係萬能，數據係無感情嘅虛體！當然數據係可以好强大，但係要人性化同識可而止先可以發揮其功效！打個比喻，好似食雞蛋咁，如果係上面滲啲鹽就會提升蛋黃嘅鮮味！數據就就係啲「鹽」！
