「移民」
嚟幾日又想講下啲時事嘢！我諗好多人都好似我咁跟屋企移民咗去第二度好多年再返嚟香港。不論你係去其他國家旅遊，或者去公作，甚至乎去定居，始終係去咗人哋嘅地方。入鄉隨俗就緊係要㗎啦，嚟樣唔洗多講，最重要係尊重人哋嘅文化。當然你可以唔接受或唔認同人哋嘅文化，但係如果選擇居住係另一個國家就要跟蹤當地嘅文化。
「尊重」
要人哋去尊重你，首先係要識得點樣去尊重其他人。係香港一個俾西方文化影響深遠嘅城市就梗係有規有矩，唔通你係香港犯法可以用其他國家嘅法律嚟處理？國有國法，家有家規。所以係香港，講廣東話係必然嘅事，排隊係常識，住屋貴同得豆潤咁細係常理！如果選擇嚟香港住就預咗㗎啦！唔通你去另一個地方定居前唔知嘅咩？
「歧視」
咩嘢係歧視？歧視係針對特定族組，僅於佢嘅身份，而唔係個人品質，而給予不同嘅對待。當個人或組織基於汙名而不正當奪取他人嘅權利同生存機會，嚟啲就係歧視。所以好多時啲新移民話我哋香港人歧視，其實我哋無。我哋係不滿個人品質，而唔係種族！我都有好多內地嘅朋友，但係佢哋唔會隨地大小便，唔排隊！呢個係質素同文明嘅問題，而唔係歧視！
