「世事」
人生世事無常，有好多嘢係我哋無辨法去控制！每日係身邊都有唔同嘅事發生，而最唔想聽到嘅就係不幸嘅事件。尤其係嗰啲因為其他人嘅行為而做成嘅意外而導致悲劇。雖然有時話意外無法避免，但係如果係人為就真係不可原諒！有時真係今日唔知聽日事！
「仔女」
好多人問我個仔出世邊個湊佢，我第一個答䅁係話我自己！跟著大部分人就會同你講一大堆問題！不過我真係預咗！因為我覺得好多人以為俾屋企或者姐姐揍就解決好多問題，但係就錯過佢一個好重要嘅成長階段！到個仔大咗佢有佢生活就無得後悔！
「屋企」
我依家追求嘅好簡單，就係屋企人個個健健康康，快快樂樂！錢雖然好重要，但係老婆，仔女便加緊要！所以如果搵好多錢而無時間陪屋企，我會選擇搵少啲！人生最緊要嘅嘢係錢無法俾到你！要學懂正確嘅人生觀就會開心好多，而嚟樣嘢就係「珍惜」身邊嘅人和事！
