「好笑」
唔知道有幾多人知道有嚟個人。「谷阿莫」其實係 Facebook 到開咗一個專頁將好多大家熟悉嘅電影同電視劇再從新前輯。佢會用好短嘅時間同諷刺嘅手法去將啲劇情講出嚟。一般幾分鐘就講完一啲拍咗好多集嘅電影，當然包括「哈利波特」同「來自星星的你」等等。我初頭都覺得有啲無聊，但係睇睇吓又真係幾好笑！
「手法」
佢嘅做法同 Content Marketing 無乜分別，之不過佢係用影片去代替文字。有啲人會定義嚟種嘅推廣手法做 Video Marketing。因為佢用嚟個咁特別方法，所以好短時間就已經吸引咗近百萬嘅粉絲。啲片下下都幾萬個 「Like」同幾千個「Share」！真係非常佩服！當然無睇過啲電影或電視劇嘅話就冇乜共鳴。因為你會無咁投入。
「版權」
好多人都會問佢啲片源係邊度嚟，但係你會覺得有必要問嗎？其實嚟啲都係二次創作嚟嘅，最緊要係娛樂到大家！講真如果我係電影商，我有新片出到或者會搵佢，由其係個啲續集。因為唔洗將之前個啲追返晒，又快捷又方便！希望啲電影商唔會封殺佢啦，始終嚟啲嘢都牽涉到版權。如果你都有興趣睇吓，你去 Search 下「谷阿莫」就得㗎喇！
