「匯豐」
為咗記念香港匯豐銀行係香港創立一百五十年，所以就出咗一張面值一百五十元嘅紙幣俾香港市民大眾去認購。因為認購申請的分配結果係今日公佈，所以之前登記咗嘅市民都一早上網睇吓自己抽唔抽得中啲記念鈔。今次又三款，單鈔，三連張同三十五連張。
「記念」
其實個個申請買啲紀念鈔係收藏啊，定諗住攞去炒呢？今日係網上面，個個都係講緊抽唔抽到同抽到幾多張。之後第二個問題就係可以係邊度放咗佢。哈哈！好明顯大家都係拎嚟炒！所以啲「記念鈔」其實係「記念炒」，係記念大家又可以「炒」啦！
「竟然」
雖然我對匯豐嘅服務十分之不滿，基本上我可以話如非必要，我都唔會用佢哋嘅服務！但係正常嘅香港都有襯熱鬧試下抽唔抽到。所以我同我老婆都有申請咗！當然抽到咪要囉，抽唔到亦都無乜損失。不過竟然俾我哋抽到三張單鈔！我諗我應該會留返張俾個仔！
