「音樂」
本身一直都覺得吳若希唱歌唔差，有幾首電視劇嘅主題曲真係唔錯！一開始對佢無咩野認識，係直到咗佢唱「越難越愛」先至關注呢個歌手。之前當然都聽過佢個名，不過佢啲歌真係冇聽過。一首大家都會記得嘅歌直係雖要一套好嘅電視劇或者一套好嘅配合！就好似「使徒行者」咁，首歌同劇情好合襯！
「電視」
相信如果大家有睇電視劇嘅話都應該知道「衝線」呢套劇！首先我無追開呢套劇集，只係間唔中早咗返屋企食飯睇咗一兩集。不過都睇到吳若希嘅演出。我感覺就係不如唱返歌算啦！因為認真覺得佢唱歌好過拍電視劇。有可能係因為角色問題，但係佢把聲係適合唱歌多啲。當然做戲係會慢慢進步，不過同好多新人一樣，一開始無好感！
「主持」
到咗最近，佢主持「至尊街頭魔法王」又再一次被人批評！咁當然好正常，因為我都覺得好煩！因為佢個個魔術之後都加一句「點解嘅？」。其實每個新人做主持都會有嘅現象，不過點都好，「點解」點到大家煩！同一個細路仔問嘢一樣，不斷重複又重複。真係想剎人，希望下次佢再做主持嘅時候會有進步啦！
