「買餸」
其實出街食飯食得多真係唔知可以食乜，所以多咗係屋企煮飯。當然第一樣嘢要做嘅就緊係買餸啦！大多數人都會去超級巿場買，覺得方便啲，乾淨啲。但係慢慢發現方便未必乾淨，同時亦都比起街市貴好多。不過講真有啲嘢街市買唔到，由其係外國嘢。所以無辦法，只可以係超市買個啲材料！
「街市」
好多人都會覺得街市好污糟邋遢，不過大部份嘅嘢都好好好平！平時去超市買嘅話分分鐘要兩三倍嘅價錢買先埋到單。有時去街市真係有人情味啲，啲嬸嬸大多數都好好人，最緊要就係啲食材唔會差得去邊。除非無時間，街市收咗，如果唔係真係去街市好過，最少唔會好似上次咁係崇光買到壞嘅肉！
「健康」
住家菜最好就緊係健康啲啦，最起碼你點整同用乜嘢材料你都一清二楚！同埋可以少糖，少甜，少鹹同少油。清清地，健康啲！不過當然你要有時間去買，去準備，去煮同食完之後仲要有力去洗碗！不過真係平好多同健康好多，所以如果大家可以嘅話我都會建議大家係屋企煮多啲！
