「中文」
其實我同老婆煩咗好耐個仔叫咩嘢名好！當初一路凈係諗女仔名，所以無諗過男仔名！改中文名真係有啲難度，好怕改錯名。改錯咗，俾啲仔女怨就唔好啦。講真女仔名好似易改啲，事關我同老婆好快諗好咗，但係個仔就諗嚟念去都諗唔到！就算查完字典都係企咗係度！不過我哋都有啲鐘意嘅字，遲啲再諗諗。
「英文」
好啦中文諗唔到就諗住英文先啦！點知英文竟然快手啲。事關因為之前諗個女個英文名諗好耐，以為個英文名會好似中文名咁諗餐懵！我哋要求其實好簡單，要型同唔好同人撞得咁緊要！因為每一代人都好似都有一啲特定嘅英文名，所以想搵啲唔同啲嘅。嚟刻有兩個我哋覺得比較好嘅名，希望個仔會鐘意啦！
「點揀」
幫自己仔女改名真係又愛又恨。一個名係會跟佢一世，改得唔好就大檸樂。需然有啲人大咗至後會改名，不過試問邊個父母想個仔女改名呀？所以真係要思前想後。又要好聽，又要有意思，又要唔同人撞，又要特別，真係唔容易。不過我諗我會等佢出世之後先會有定案。點都好，改名真係一個難題啊！
