「哥哥」
今日係哥哥離開我哋第十二年嘅日子！相信好多人仍然會懷念佢！一如已往，大家都會去到佢離開嘅地方送上鮮花，記念呢位巨星！雖然已經過咗十二年，但係大家都記得每一年嘅四月一號！就算去到韓國，係的士上面聽到電台播哥哥嘅歌曲嘅時候，你可以知道哥哥係其他國家亦有不小懷念佢嘅歌迷！
「歌曲」
到今時今日，唔知有幾多人仲記得哥哥嘅作品！好多都好好聽！直到今日都無法代替佢係樂壇嘅地位。不論新歌舊歌都令人懷念。但係新一代嘅年輕人又識唔識得呢啲咁有質素嘅經典？我最鐘意嘅歌曲包括：Monica，Stand Up，左右手，追，等等！你哋又鐘意邊首歌呢？
「電影」
我自己最記得嘅就當然係「縱橫四海」，「家有喜事」，「金枝玉葉」，「阿飛正傳」，「春光乍泄」，「倩女幽魂」。每一套戲，哥哥都做得好好。最好笑就當然係家有喜事個角色！今日再睇返都仲好好笑！至於縱橫四海佢同發哥，紅姑三個星級製作，相信今日嘅影壇好難先會見到！
