「極光」
極光形成嘅主要原因係由於太陽噴射出嚟嘅等離子經過地球嘅時候被南北極嘅磁場吸引。然後再同地球大氣層嘅分子產生化學反應而發出嘅光芒。嚟啲等離子嘅爆發我哋一般稱為太陽風。太陽風一般需要大約三日先能抵達地球，而太陽風嘅出現主要同太陽黑子活躍有關！太陽黑子活躍期大約為十一年一個周期, 嚟個同太陽自轉有關！
「影相」
極光理論上每年九月到下一年三年月期間最好！因為夜晚時間較長同天氣比較溫暖同穩定，所以都比較適合！無月光嘅時段係最好，因為有一種說法係因為月光會搶咗極光嘅光芒。每晚九點至零晨三點都係極光出現嘅時間帶！拍極光最好配備大光圈嘅廣角鏡頭，而腳架最好配備比較穩妥或有啲重量嗰啲。因為極地效外天氣比較寒冷同大風！
「芬蘭」
好幾年前因為工作原因有機會去芬蘭。但係好遺憾，無把握機會去睇北極光。應真失策！希望遲啲可以有機會去同老婆一齊去睇！當然做咗好多研究點先可以影到靚相啦。前幾日知道太陽又再一次大爆發，今次勁到連澳洲都可以睇到！睇極光一定係我一樣好想做嘅嘢！
