「一年」
不經不覺已經一年啦！時間過得真係快！一年嘅時間唔可以話長亦唔可以話短，最重要係邊個係你身邊同你分享「喜怒哀樂」，係你身邊默默支持你。嚟一年同另一半做咗好多好多嘢！不過最最最開心就緊係今年會多咗個人同我哋一齊過！嚟個家好快就會多個新成員。除咗兩隻貓，仲有兩個獅子座！真係一屋都係貓！
「經歷」
兩個人係一齊嘅每一刻都係一種新嘅經歷！嚟啲經歷唔一定係開心，因為人生唔會一帆風順，所以只要大家一齊面對唔開心嘅事和物就以經足夠。當然過去一年大大小小嘅事情都會發生，亦一同渡過每一個時刻。最大分別當然係由情人變成夫婦，出年嘅今日就變成人哋嘅父母。希望繼續同你分享每一個我哋時刻啦！
「幸福」
一周年了，首先當然先感謝老婆咁辛苦陀住我哋嘅結晶品。知道你為我付出咗好多！同一年前嘅今日無分別，我都係想同你講同一句說話：「准我一生也愛你一個，准我相信直覺，請將一身的幸福也付託給我！」。我好慶幸有你係我身邊！多謝你嘅「愛」！老婆，我愛你！一周年快樂！
