「結婚」
每個人結婚嘅時候都會搵攝影師影結婚相。嚟個係留下最美好嘅時刻嘅最佳方法。結婚相其實過咗一段時間就好少拎返出嚟睇。好多時都唔知放咗係邊，由其以前仲未有數碼相機嘅連代。不過久唔久拎返出嚟睇真係又有一番風味。所以大家唔好影完就算呀，同另一半一齊睇返個日開心嘅時刻一定會令大家勾起好多美好嘅回憶。
「影相」
我成鬼日講笑，如果我無嘢做，我可以去幫人影結婚相。每當有朋友結婚，我一定帶埋我啲相機去影相。當然影相係我嘅一種嗜好啦！我除咗鐘意影風景之外，我諗我最鐘意影嘅係結婚。因為每一個時刻都係好開心，好幸福，好感人！而可以用一張又一張相去將嚟啲時刻放大同保存亦都係一種幸福。所以幫人影結婚相都可以好開心。
「執相」
其實自從數碼相機出現之後，最最最頭痛嘅一樣嘢係要揀相。因為你有無限嘅菲林，所以不知不覺咁按個快門。以前我覺得要執相不如就唔好影相，但係嚟一兩年覺得執咗係靚啲嘅。所以影完就係咁執執執。當然每個人嘅觀感都唔同，所以無話好定唔好，最緊要係自己覺得好咪得囉。又唔係拎去參加比賽。所以有時真係是但執。
