「結婚」
恭喜恭喜！今日老婆細佬結婚，祝佢哋百年好合，永結同心！除咗自己個妹結婚之外，相信要再等一段時間兩家人先會再有喜事。當然除咗郭家大少今年出世之外啦！係香港結婚唔係一件易事！年年加價，真係無三四十萬都未必得！同買樓一樣，都係好難嘅一件事！
「生仔」
到郭大少啦！今年嘅第二件喜事！不經不覺已經五個月了！時間真係過得好快，仲有五個月就會同佢見面啦！超級期待！今時今日大家都唔會搞滿月酒，反而潮流興搞百日宴！但係我哋應該唔會搞到結婚咁！覺得有啲浪費金錢，同屋企人食餐飯就算啦。最緊要嘅係一家人開心！
「人生」
每個人一生都會經歷大大小小嘅喜事，而每一件喜事都係人生大事。可以同身邊嘅屋企人同朋友一齊分享係一種福氣！所以要珍惜人生嘅每一個時刻。屋企有喜事，人就當然開心啲！只要大家珍惜人生每一件事，日日都會係喜事！恭喜恭喜！
