「投訴」
雖然我唔鐘意投訴，但係返到嚟香港之後真係唔投訴唔得。如果我係得閒無事下下投訴就話姐，唔通投訴唔麻煩咩。單係今年就已經要我鬧爆咗一間賣電子產品，一間電訊商同一間百貨公司。係香港服務差咗定公司管理差？我真係唔知！每次都真係火都嚟，連最基本處理問題嘅能力都無，真係暈得一陣陣！
「崇光」
好嬲，今日我去崇光超市部買左兩舊『佐賀和牛漢堡扒』諗住夜晚同老婆煮飯仔撐枱腳；點知煎完兩舊扒之後一食，舊扒好大陣酸宿味，好明顯係變壞左。我好嬲即刻拎番兩舊扒去崇光同佢理論，佢地態度好差，開頭話我地只可以換番同等價值貨品；拒絕退款又唔承認自己賣緊過期牛肉，仲有我見到佢個櫃依然賣緊果隻扒比人！
「食環」
老實講嚟次係我第一次打去食環署投訴。不過佢哋都算快手同叫我留起部份牛肉作為證據！比佢搞一搞我地成晚冇飯食不特止；晒我地時間來來回回得個桔，而家仲要勁擔心唔知食左果少少過期牛肉會唔會影響我老婆肚入面個細！真係冇唸過咁大間百貨公司會遇到咁嘅情況！大家去崇光買肉真係要非常非常小心！
