「痴咗」
近排好忙，忙到越嚟越少時間睇新聞（主要新聞來源其實係 Facebook）。不過睇到幾篇新聞真係覺得係唔係我唔正常，定係有啲人精神錯亂，痴咗線？有建制派嘅議員竟然提出建議係東鐵線設立水貨客專用車廂？人哋澳洲同英國政府出手幫人買樓，香港政府就話買唔起就唔好買？科技局仲未開就請咗人，仲勁到無啦啦邊咗顧問？不過今日想講水貨同買樓先！
「水貨」
講真啲建制派真係勁！勁到可以搵顧問去做調查研究北區鐵路嘅服務。佢哋係十二月係港鐵上水同粉嶺站訪問咗過千名乘客！當中百分之九十七嘅受訪者係北區居民。絕大部分受訪者認為東鐵線非常擠迫，而受訪者的怨言都同水貨客有關！間顧問公司建議港鐵，係東鐵線列車兩端設立「特定行李車廂」，同安排特定上落位置配合，變相成為水貨客嘅走私專用車廂。佢哋真係痴咗線！
「買樓」
好多香港人以買樓為終身目標，但係偏偏個政府就唔想啲無錢人買樓！人哋英國政府就推出新置業計劃，俾四十歲以下嘅首置人士提供八折買樓優惠！而澳洲就或者推限制外國人買樓的「雙辣招」，不但要求買家支付最少三萬蚊港元手續費，違規買樓嘅罰款更可以高達樓價嘅四分一。香港個政府做咗啲乜？就係有錢嘅人可以買樓，而你無錢負擔唔起咪唔好買囉，你都買唔起！
