「嵐」
「點解」
雨傘運動可以話係令我醒覺嘅一個重要因素。見到呢個政府完全無視市民嘅訴求，令一班本身應該以讀書為重嘅學生企出黎，揹住好重嘅責任同好多人嘅抨擊，但係其實喺佢地呢個年紀真係吾應該受到咁程度嘅壓力。被學生們感動了，亦吾想香港嘅未來好似中國一樣。 最簡單嘅原因係我愛香港。
「感受」
離我諗今次最深嘅感受，應該係嗰股好重嘅無力感。好辛苦，但係在場嘅朋友應該比我辛苦好多倍。因為身在外國讀緊書，所以無論有幾擔心，有幾支持，有幾想同大家一齊撐落去，都無辦法參與。記得嗰兩個半月無一晚瞓得好，一直好心痛好擔心，而我只能做鍵盤戰士眼濕濕為大家打氣。如果可以參與我一定會，因為嗰種絕望嘅感覺我吾希望再感受到。
「期望」
希望大家喺運動之後養好身體，吾好忘記一開始企出黎係為左咩，吾好被時間或者批評沖淡所相信嘅野。專業人士就希望佢地會敬業同堅持自己嘅信念。希望越黎越多人醒覺，香港人喺未來都可以團結一致咁爭取到民主，互相尊重同理解。 就算失望不能絕望；我們正在寫歷史。
