「學問」
近排睇嬰兒車嘅資料真係睇到暈暈哋。自問啲咁嘅嘢應該難唔到我，不過實在太多學問。例如架嬰兒車可以坐到幾歲，幾重啦；有冇得反轉個座位啦；架車有幾重啦；安唔安全啦；摺起咗有幾大啦；易唔易開同收架車；等等，等等。真係人都癲呀！一架咁嘅車仔仲講究個一架真車，真係買車都無咁煩。所以唔係咁簡單。
「試車」
睇咗咁耐，其實係有啲頭緒，不過最最最緊要係要放得落我架車。車仔細細唔知擺唔擺得落，所以真係要睇吓啲真嘢。下下係網上面睇真係估估吓！不過睇咗真嘢仲難選擇，因為親身試同係網上睇真係有好大差別。本來有心水，但係睇完真嘢又要重新諗過。有時問吓啲朋友，個個都有唔同睇法，所以無得做參考。為有靠自己。
「選擇」
我到咗嚟刻其實都好鐘意 Stokke 㗎嬰兒車，因為覺得佢付合我大部份嘅要求。最大嘅問題係性價比同佢都幾大架唔知放唔放得落架車入面。另一個考慮就當然係我老婆可唔可以舞得掂架車。所以要繼續睇，諗清諗楚先。咁大嘅投資唔係買完就算，因為買錯咗都幾大獲。嚟啲嘢唔係話換就換。希望可以好快揀到啦！
