「歐陽凱琪」
「點解」
作為一間左膠學校學生，成日俾人洗腦都算，當知道學校有份俾錢叫學生去反佔中遊行我頂唔順，我一定要企出泥表達自己既政見，立場。928嗰日真係好心酸，我一路睇住直播一路係到喊，果一晚我就決定左要企出泥，我係學校到派黃絲帶俾人打壓，所以更加要走上街頭！
「感受」
好震撼。走到佔領區會感受到香港人既力量，有人會自發回收垃圾、有人會自發派物資，果到係我見過最靚既香港，我為我係香港人而自豪而驕傲。係果到識左幾位朋友，大家一齊交流，唔似學校咁唔可以有相對立場。呢次亦令我更加愛香港。
「期望」
緊係爭取到真普選！亦希望政府認真聽下市民意見，唔好下下都係『我已經聽到你既訴求』。其實我地搞革命都攰架，唔好以為我地真係去坐下吹下水咁好輕鬆，政府你唔聽當睇唔到咁人民咪推翻你囉，愈打壓愈反抗，咁簡單既道理你唔係唔識唔明呀嘛？
