「初四」
今個新年話咁快就過咗，今日嘅行程係同老婆同自己嘅好友相聚。其實人大咗，好友都因為唔同原因而越嚟越少聚埋一齊。所以都好珍惜同好友食下飯，傾吓偈。由其是當大家都成家立室同有啲以經有咗小朋友。所以話題都唔同晒。包括，買樓啦，生仔啦，湊仔啦，等等。
「好友」
今年一個識咗近二十年嘅好友返咗嚟香港，咁就緊係要捉佢出嚟食飯喇。由澳洲到我去咗中國再返香港然後到佢去咗英國，大家見面嘅時間越嚟越小。不過大家都不定時更新大家近況。人大咗老朋友越離越少，數埋手指都係得四五個。所以好珍惜大家嘅友情！
「細路」
當然今年身邊嘅朋友多咗小朋友係身邊，而有小朋友係周邊啲氣紛就一定熱鬧咗好多啦。不過到咗明年今日應該論到我湊埋個細路仔一齊出嚟同嚟班朋友出嚟相聚。到時個話題一定更加嚟唔開啲細路。見到個個細路都好聰明同大個咗好多都好開心。希望大家今年健健康康，快高長大同聽聽話話啦！
