「期待」
話咁快就四個月，每次都好期待去醫生度，因為好期待醫生透過超聲波慢慢睇住一個小生命嘅誕生！生命係好奇妙同好脆弱，所以都好希望睇住佢一日一日長大。對於我嚟個好鐘意細路嘅大細路嚟講，樣樣嘢都係福份。所以見到佢次次都好活潑咁係佢媽咪個肚裡面慢慢大就好恩惠。
「興奮」
每次去醫生度照超聲波之前都係由擔心，到期待，到興奮。興奮嘅當然係每次見到佢嘅身體都有啲改變嘅時候，真係好想快啲見到佢出世。超心急，超期待，所以淨係睇超聲波嘅影像都已經好興奮。現今嘅科技真係好勁，遲啲我諗連個樣都可以知道。
「希望」
最希望嘅就緊係佢繼續健健康康啦，當然好多嘢都係要等佢出咗世先知，不過最起碼現今嘅醫療嘅科技可以早啲知道一啲毛病。當然最好就唔好啦，所以要一個小生命嘅誕生同成長到係一份福氣。仲有五個月就見面啦！係嚟幾個月要繼續為你嘅來臨做好準備。
