「免費」
雖然今日無乜時間睇新聞，但係 Facebook 個個係度講 Uber 今日請香港用戶搭的士，每個用戶可以免費搭兩程車，上限港幣二百蚊一程。當然好多人都唔會放過嚟個機會去搭免費的士啦。如果你未用過 Uber 嘅話，其實佢係一個 Call 的士嘅服務就好似另外一個大家有可能熟悉嘅手機程式，「快的」。
「鬧爆」
當然今日有人搭到，有人搭唔到。但係我係 Facebook 留意到嘅係大部份我啲朋友係搭唔到。更重要嘅係俾人鬧爆咗。因為玩咗一日都無辦法搵到的士。當然吃不到嘅葡萄是酸的。但係講真個 Campaign 真係有啲差，又或者係 Uber 唔明白香港人嘅唔輸蝕嘅心態。你話有平嘢，免費嘢就當然個個會試㗎啦！
「的士」
其實無論係點，多個選擇唔係一件壞事。雖然我仲未有機會去體驗嚟個服務。不過我睇到好多朋友嘅評語都話唔錯。至少我覺得會好過啲普通的士。不論司機嘅態度同行車安全，有時我都好驚坐的士。最重要嘅係好多司機都唔識路，問返我轉頭點去個目的地。好多時搭的士啲司機都唔熟路或唔識路，超慌謬。
