「阿魚」
「點解」
作為一個中六學生，2015 文憑試考生，我知道我應該用所有時間去溫習，但係，926當我見到好多平輩、細過自己嘅都企出呢，為我嘅將來而努力、付出時，我明白到自己都要行出呢。因為，生於亂世，確是有種責任。
「感受」
今次，無疑係上左一堂畢生難忘嘅公民課。從前好多大人同我講六、七十年代嘅人係會守望相助，同鄰居做好朋友。我一直半信半疑，直到今次，我真正感受到無私精神。人人都為你講加油，互相幫助的時候，那一刻，很溫暖。
「期望」
佔領運動雖然完左，但清左個場，清唔到運動種下來的種子。我期望經過今次，更加多人能夠覺醒，聚集起來為香港的未來加油。或許一人的力量好渺小，但我確信大家一齊團結的力量能抵千軍。有聚必有傘，有散必有聚。
