「話說」
無啦啦唔知戚起邊條筋想整蛋糕。不過屋企冇焗爐，所以無得整。點知有日係網上見到有人教整 Crepe Cake，好似好易咁。最最最重要係唔駛焗爐，嚟個係最大嘅優點！所以今日去咗買啲簡單材料試試佢。因為每次去 Greyhound 都會叫嘅一個甜品，所以試試得唔得先至再買過啲靚嘅材料。唔係浪費咗就唔好啦！
「餅底」
由於個餅底係用法式薄餅做，所以睇咗好多唔同嘅食譜，今次試下嚟個試下。六十克嘅牛油，四隻蛋，一杯麵粉，一杯牛奶，四份一杯糖漿同四份一湯匙嘅海鹽。不過太耐無試過整蛋糕，唔記得整整啲麵粉，所以起咗粒粒，超無奈。睇吓仲有冇得補救。。。等我試完再分享下經驗。希望好食啦！
「餡料」
由於最貴係啲忌廉同中間啲餡，所以流流哋買現成嘅忌廉試咗先！其實另外一個最主要嘅原因係屋企無攪拌機，所以無得自己整。係網上面有好多唔同整法所以好似好隨意。所以是但整住先啦。如果試咗得嘅話就唔使咁麻煩自己整。好啦今晚要繼續努力，希望可以再分享。見唔到我分享就代表我失敗咗囉！
