「計較」
今日係網上面睇到一篇文章，入面最主要講唔好「計較」嚟樣個樣。試問邊個香港人唔計較？係嚟個城市同環境，好多時都係被逼出嚟。所謂人比人，比死人。每個人嘅新活都有自己一個模式。只要搵到一個舒服嘅環境，無論開心唔開心，幸福唔幸福，成功唔成功，有錢唔有錢，有名唔有名都好，凡事太在意只係辛苦你自己嘅人生。咁點解要辛苦自己呢？
「放棄」
好多時人生會面對好多分岔路，要揀一條順風順水嘅路係無可能。所以當你揀咗你覺得啱嘅路就唔好後悔，因為就算揀錯咗又點？都無得返轉頭！所謂有得必有失，有時以為係失，點知其實係得。要做任何人生決定到係需要有一定嘅勇氣。就好似我哋好多創業嘅人士，本來有一份好穩定嘅工作同收入，為何偏偏要放棄一切嘅去過一啲提心跳膽嘅日子，囉苦嚟辛呢？
「格言」
我好細個就好鐘意嚟句格言：「人生並不在乎長短，只在乎精彩」。今年人生已經過咗三分一，睇返自己，我有冇計較身邊嘅嘢？我一定有！但係經歷咗唔同嘅嘢，人慢慢變得化咗。三十幾歲人就化？係呀都幾化。因為嚟刻做任何嘢都係為自己同寢邊人。只要有一個舒適嘅人生就夠，唔需要太計較名利，成敗。只要活得精彩，珍惜眼前一切就足夠。
