「馬雲」
我想信大部份香港人一定知佢係邊個。所以諗咗好耐，究竟寫唔寫佢好。因為一個馬雲講座，個晚 Facebook 完全被洗版。見到身邊嘅朋友有讚有彈，咁我想講我都係彈嗰個。其實有乜嘢咁大不了呢？佢好多講座或言論都係網上面睇過。你去到現場又唔係聽返佢之前講過嗰啲。睇完好多朋友分享之後，馬雲真係講完無講。
「創業」
大部份 Facebook 嘅 Status 都係話創業要「堅持」同「失敗」！創業係咁㗎啦，好多今日成功嘅都係香港最少堅持五至十年。失敗嘅例子多不勝數，係好平常嘅事。就算唔係創業，做任何事都應該係用嚟個心態去做人同事。人生就係咁㗎啦！返工唔會失敗咩？未又係唔知幾時俾人炒？咁算唔算失敗呢？我都係果句，創業係坐過山車無分別！任何嘢要堅持才會成功！
「數據」
唯一我認同佢嘅係嚟段：「十年、二十年以後，這世界最珍貴的資源，最稀缺的資源，不會是石油，一定是數據。」不過係中國係好無私隱，因為佢哋係無私隱條例，所以上國內嘅網站都咪話唔驚。數據只會越嚟越難收集，所以係最珍貴嘅資源。我都好怕有日無晒數據，咁我就真係失業啦。希望到時可以退得休啦。
