「凡高」
「點解」
928，嗰日係我妹妹會生日，當日我們一家到了長洲行順便食埋飯，但我和我女朋友一樣，心在金鐘。直到六時左右放第一個催淚彈，我女朋友哭了出來 。到出返香港時就即刻殺落中環，當見到警察攞住長槍，我兩個更加嬲。點解要放催淚彈、點解要出埋槍！其實我地一直都支持佔中，但去到呢一刻，我地比之前更加支持。之前都已經有太多不公義，我好驚香港好似大陸咁變到殺人如麻，所以一定要行出來。
「感受」
雖然親身感受過催淚彈的滋味，但令我更催淚的係兩傘廣場入面，原來香港人係可以咁無私既，無論老中青少，大家都只有同一個目標，「我要真普選」。我地d大人成日講，而家d細路唔識諗；但我想問，呢班咁唔識諗既年青人為香港人作出咁大既付出時，我地呢d所謂大人做緊咩呢？運動去到中場休息啦，要反思既究竟係大人定細路呢？政府一次又一次咁欺騙香港市民，對住個咁既政府，97後其實都冇寄予厚望，但呢兩個月所發生既，我真係對個政府絕望，在一次話比自己聽，我冇辦法亦冇藉口唔行出來。
「期望」
雨傘革命，清得到個場，清唔到人心！冇錯我認同，但香港人始終都係太善忘，所以我曾經都有同學聯提過，往後既不合作運動，一定要係可持續性的。香港既政黨，同人口問題一樣，其實已經嚴重老化，期望會有一班年青人出來，組織政黨，帶領香港人衝出呢個不公義既政府。不竟要對抗一個咁極權既政府，唔係一朝一夕可以，香港既未來真係要靠呢班年青人。好多人亦講社會已經嚴重分裂，呢層我都覺得係，但我唔認為要用好長時間去復原，因為我始終覺得香港人真係好叻，復原能力亦好快；相反我覺得經過今次雨傘革命後，香港人更加懂得點樣互信共存。最後，希望係我有生之年可以見到香港有真普選，我今年40歲，希望唔咁諗唔會太灰啦！
