「郭嘉俊」
「點解」
我從來無諗過香港會變成咁！你可以唔認同班學生嘅做法，但係當我係九月二十七日揸車經過夏慤道，政府總部嘅時候。眼見警車同警察多到好似暴動咁，我第一個反應係使唔使出動咁多警力去對班學生呀？嗰刻有啲心寒！究竟啲學生犯咗乜嘢彌天大罪要咁對佢哋。感覺就好似「六四」咁，無分別。事隔一日，真係唔敢相信，一班聲援學生嘅平民百姓竟然俾香港警察同政府射催淚彈。不論啱定錯，香港人不打香港人，更可況係手無吋鐵嘅市民。所以一定要企出嚟，爭取屬於香港人應該有嘅民主同自由。
「感受」
作為一個香港人，睇到自己長大嘅地方變得如此謊繆，真係好心痛。由包圍學生，過份使用糊椒噴霧，投擲八十七媒催淚彈，選擇性執法，同流合污，濫用私刑，等等。。。如果你仲覺得係正常嘅話，我真係無話可說。整個雨傘運動唯一令我感動嘅係好多香港人都好團結，再次見到獅子山下嘅人情味，大家手望相助。香港本來就係咁，但係因為政府嘅施政同漠視民意而令到長年慮月對政府嘅不滿一次過爆發出嚟。生活係一個强權爆政嘅環境低下，如果仲唔行出嚟，咁香港仲係你同我認識嘅香港嗎？仲可以係一個安樂窩嗎？
「期望」
雖然知道一人一票選特首嘅機會好渺茫，因為香港仲有好多自私自利同錢字行頭嘅人。要嚟班人醒覺係一件好難嘅事，但係如果唔爭取，我哋就只會變成一班默默接受嚟個咁謊繆嘅國家同政府嘅小數民族。一國兩制，五十年不變都係我哋一相情願。所以希望大家不論因為咩嘢原因，都要堅持到底。大家見到我嚟篇感受嘅時候，應該係「雨。感受」第一百篇。亦代表我哋仲未爭取到我哋要嘅嘢！所以要繼續堅持，將嚟個運動延續落去！將你哋嘅感受一一寫出嚟，俾更多人知道我哋嘅諗法。香港加油！
