「證書」
今日又係忙到無時間睇 Facebook，點知一開又係啲笑死無命賠嘅新聞。唔講唔知香港有間咁嘅大學！「香港蘇文大學」？乜東東嚟㗎？原來有人發現係「淘寶」上面有人賣「假」證書。最重要嘅係一張證書只係賣緊300至1000蚊人民幣，仲要快到7至10日就可以送到。一個字「勁」！淘寶果然勁過叮噹嘅百寶袋！
「偷圖」
最好笑都係啲圖！要偷都偷得專業啲啦好唔好？海港城，國際金融中心都可以呃到人，咁嗰個人都幾易呃。我第一個反應係。。。爆笑。咁都得？國際金融中心個張仲要睇到個 Logo 咁先頂癮。仲有連「沈祖堯」，香港中文大學嘅校長都無啦啦變咗做代言人。唉，真係乜都敢死！佩服，佩服！
「馬雲」
唔知係啱啱遇著剛剛，馬雲咁日係香港！唔知有冇人會問佢如可創業？如果有，係唔係可以用佢個創業基金係淘寶開間網店賣大學證書。講真係淘寶買嘢就預咗會有假貨！平野無好野嚟個定律係好難改變。講真，好多人好崇拜馬雲，但係無中國政府嘅護航，我唔相信淘寶，支付寶，等等可以發展到今日咁嘅地步！
