「乜乜乜先生」
「點解」
如果你覺得而家嘅生活已經好豐足，其實係更應該走出嚟，因為為下一代爭取嘅應該係「更好」，更何況事實上社會根本有好多問題。現實一個例子，你以前幾十萬可以買到樓，而家只係夠畀首期，係因為通脹？咁點嘅你嘅人工又跟唔到通脹？呢個就係施政問題，而如果呢一個情況再差落去，你嘅子孫就會買唔到樓。。。定係你間屋夠百子千孫住？
「感受」
好感動，作為一個搵錢大唒嘅社會，無諗過香港有咁多人唔係為自己走出嚟，見過有好有錢，已經搬咗上外地居住嘅朋友，都特登返嚟瞓街支持；同時好傷心，見到政府對大家意見不聞不問，見到好多沈默大多數，都會令人覺得大家所做嘅仲未感動到佢哋，而整個運動接下來都未見有好明確嘅行動方向。
「期望」
要建立一個理想社會，唔係一朝一夕嘅事，但如果成功之前，大家又變返凡事冷漠嘅香港人，咁就算畀你爭取到真普選，呢個社會都唔會變好，期望大家可以 Keep 住呢種互助互愛嘅精神。
