「張韻鎡」
「點解」
79天的佔領運動象徵式告一段落，9.28當日我身處韓國，望住電腦睇住直播，無時無刻用電話瘋狂刷新新聞，半夜三更仍然訓唔著，不停想「好想返香港，點解我唔係香港」。經過幾十萬人走上街頭，演變成雨傘運動，再有旺角、銅鑼灣，10月中我終於回港了，回港第二日就去金鐘看看這個香港人團結而成既雨傘廣場、夏愨村、連儂牆，直到。。。
「感受」
雨傘運動到底係階段性勝利定係階段性失敗呢，見人見智，勝利可以話係今次總算喚醒到部份沉睡中既人，令更多人關心政治影響民生既問題。失敗既當然係呢個政府政權咩都冇改變。但講到最最最失敗既應該係呢個政府，完全暴露左自己獨裁強權既一面，聽民意嗎？不聽！你有你講，我有我做。而然最可悲既應該係仲有好多未醒/扮訓既人，還有近來對於暴政暴力麻木的人，希望佢地唔好等到香港變成中國一樣先會醒覺。
「期望」
我唔知之後會係點，但今次行左出黎就唔會再返轉頭，呢把民主傘開左亦冇打算收返，唔想年年覺得6.4、7.1再加多個9.28係例行公事。路雖然好似仲有好遠，但我相信抱住公正公義良知堅持同信念，總有一日可以見到終點。係金鐘以外都仲有好多野可以做既，呢條路必然係要繼續行落去！拒絕獨裁！拒絕赤化！自己香港自己救！天生的我內心有團火有種倔強！
就算失望，不能絕望！就這一次，我和我的倔強！
