「有病」
我係唔同場合都有講過，「社交媒體」其實係一種病毒。由其係香港人！今日又咁啱遇著剛剛 Facebook 同 Instagram 一齊死咗差唔多一個鐘。全世界好似癲咗咁！當 Facebook 同 Instagram 上返線嘅時候個 News Feed 俾人洗版。係唔係睇少陣 Facebook 或者 Instagram 會死呢？
「資訊」
雖然話有咗嚟啲「社交媒體」係方便咗，好似俾以前好咗，但係資訊傳播得太快，同時有啲平台又以為自己好聰明，凈係俾啲以為你鐘意睇嘅嘢你。有時其實諗返以前科技無咁發達嘅時候，好似仲好。因為太多資訊，好多時係無辦法消化得切，人同人嘅關係唔會停留係 Facebook 同 Instagram。。。
「感受」
曾幾可時我都有可能中過毒，不過慢慢都係攞嚟睇新聞多。依家睇到就睇，睇唔到就算，唔洗下下好似睇少陣會同個社會脫節咁。除咗因為寫 Blog 同公作需要，睇 Facebook 嘅時間俾起以前大大減少。好多時睇都係無嘢做先望吓。講真 Facebook 死咗一陣者，唔洗好似股市大跌咁，返應咁大呀？你又冇俾錢用佢個平台，唔洗錢係咁㗎啦！
