「小貓」
今日係我家小貓 Robbie 十三歲嘅生日。呢個大阿哥係我哋屋企最大同最錫嗰個。佢好有性格，好聰明！聰明指數相比佢細妹 Cookie 高好多！好多嘢都估佢唔到！有佢係我哋身邊，個家都唔同啲。雖然之前動物傳心師話佢唔鐘意我惡同鬧佢，期實我係好錫佢！
「趣事」
要數 Robbie 嘅趣事真係有排講。我無見過一隻貓識推門，因為屋企有啲門鎖唔實，佢就會用前腳推開佢。一到冬天仲叻！佢自己會整開張披走入去，再識伸返個頭出嚟，好似我哋瞓覺襟被一樣。最好笑係去廁所，因為我哋個貓廁係有蓋，所以如果個廁所臭嘅話，佢係會係去大大嘅時候伸返個頭出嚟費事臭到到自己！
「希望」
當然希望 Robbie 身體健健康康，開開心心啦！希望 Robbie 繼續跳跳紮紮但係唔好咁洩同打阿妹。過多半年就做大大佬啦，要好好照顧就出世嘅細佬妹。最最最希望就係日日陪係我哋身邊痴實我哋。Robbie，我哋愛你！
