「果欄」
油麻地果欄，大部份香港人簡稱「果欄」，係香港主要嘅水果批發市場。佢位於九龍油麻地，北臨窩打老道，南抵石龍街，西為渡船街，東為新填地街。果欄係建於1913年，以前係九龍水果批發市場，「果欄」係珠三角一帶水果批發市場嘅俗稱。經營嘅商鋪初期只係用草棚搭成，直到1920年代至1930年代，香港政府才開始批地俾欄商興建固定樓房，大多數係一兩層高嘅磚石建築以逐漸組成今日嘅貌貌！
「驚喜」
講真聽就聽得多「果欄」嚟個地方。但係都係直至琴日先至去買生果。最令我驚喜嘅唔係佢啲生果舖，而係無諗過香港今時今日仲見到不少具戰前特色嘅裝修。去到果欄啲人多到好似去年宵咁，認真勵害！啲生果種類多不聲數，仲要好靚。價錢真係無得比，一定平過出面啲大型連鎖超級巿場。如果你好鐘意食生果，咁你真係要去果欄買，因為真係好好食，好生鮮同好鬼平！
「結果」
去咗轉果欄十五分鐘，買咗一盒佐賀士多啤梨同一箱塔斯曼尼亞嘅車厘子。兩包士多啤梨先至要$100蚊，如果平時買，最少要$180蚊。箱車厘子大約四鎊先至$350蚊。當然平係仲要，不過平之餘仲要好好食咁先正！今日再去超級巿場嘅時候一件都啲生果，再望完啲價錢就真係唔會係佢哋度買！所以大家如果有興趣嘅話，可以去果欄睇下嚟個咁特別嘅地方。
