「基恩」
最近睇咗一套幾特別嘅戲－「大眼睛」Big Eye。嚟套戲係講一個係美國1950至1960年代嘅知名畫家「華特·基恩」夫婦嘅真人真事。妻子「瑪格麗特·基恩」指控「華特·基恩」盜用了自己嘅畫作，而將佢告上法庭。睇預告片嘅時候唔覺得佢會好睇，因為覺得怪怪地所以無乜興趣。不過整個故事背後個信息好值得反思。
「眼睛」
最令我心刻嘅就係「瑪格麗特·基恩」講到點嘅佢畫嘅畫一定有對「大眼睛」。我自己會去咁理解。一對眼睛，可以睇穿人嘅心。一對眼睛，可以傳達內心感情。一對眼睛，可以包含真與假。而因為一對眼睛而令「瑪格麗特·基恩」十年嘅人身變得失去自我。最興幸嘅係到咗最後，佢終於明對現實，再無生活係別人嘅影子下，活出真我。
「感想」
當然大家有興趣嘅話可以入戲院睇吓，感受吓。試諗下，如果你做每一樣嘢嘅功勞都俾人搶走咗，你會唔會唔開心？因為生活，你願意揸頸就命被人威脅同強迫？嚟個有冇好似現今社會嘅打工仔？要改變就要企出嚟，相信自己同面對問題！自己都畫過畫，好明白自己會為作品而自豪。當俾人抄襲，心有不忿。所以好佩服「瑪格麗特·基恩」可以忍到咁多年。
