「回憶」
香港其實有好多歷史，不過慢慢好似俾時間巨輪吞噬。又或者嚟啲香港特有嘅嘢不經不覺俾科技取代咗。以前去飲茶係推車仔，有好多好食同唔同款式嘅點心。以前無電腦，大家會落屋苑公園玩。以前士多有好多得意嘅嘢食，但係依家得七仔。以前一條繩，一張紙，一舊擦子膠都可以玩一餐。其實仲有好多好多嘢都好懷念。
「保育」
慢慢落去香港就慢慢失去自己嘅歷史同特質。我哋嘅下一代會覺得乜嘢可以代表佢哋嚟？仲會為自己係香港人而感覺自豪嗎？因為個城市不斷發展，香港好多有歷史嘅嘢都無好好保育或者保育咗都無咗佢原有嘅意義。希望我哋嘅下一代記得點解要保留嚟一啲歷史，因為唔係集體回憶咁簡單。而係一啲代表香港人嘅歷史。
「珍惜」
所以，要珍惜眼前嘅嘢，唔好下下失去咗嘅時候先嚟後悔，先嚟懷念。好多嘢無咗就係無咗，係返唔到轉頭。後生嘅時候唔明，但係人大咗就會明白個中道理。依家個個話要懷舊，但係嚟啲所謂嘅懷舊就變咗卓頭嘢。就好似懷舊點心！好多好好食嘅嘢，就因為懷舊嚟兩個字，連價錢都要收貴啲。最近四驅車，舊卡通，連啲黑膠碟都變返潮流，唔知仲有啲乜嘢會由古董邊返個個鐘意嘅嘢呢。。。
