「人才」
好多人都問我，你做呢行咁新，請人未好難囉？係㗎真係好難，所以培養完之後佢哋好搶手。仲要嚟刻個個都話要請所謂「數據分析」嘅人才，真係唔得佢死。當然人才流失係好平常嘅事。但係最重要係點樣去防止有架構斷層，要不斷培養新血去補充。因為數據分析仲係好新，要係外面請人係要啲難，所以我會選擇喺大學度培養同挑選。
「業務」
眼見好多公司都係擴充業務嘅時候都經過一個混亂期。因為一下子發展得太快而公司嘅流程同運作未配合得上，所以好多時要退後一步。先將基本再做好，然後再衝過。原因好簡單，做老闆一定係前面衝，衝衝吓就乏略咗基本公司營運。當然太多流程同架構都會影響工作效率，要攞個平衡亦都係一件難事。點都好，有時還原基本步未必唔係一件壞事。
「成長」
做顧問嚟個行業唔係下下得個做字，好多時要自我增值。因為以前做外包服務一般都希望每個人嘅可收費生產率最少達到80%，即係每個月平均要達到128個鐘。但係咁，員工就無乜時間做其他嘢。我自己嘅模式反而希望將可收費生產率降至50%，另外25%投放落公司日常運作，而最後嘅25%俾返員工學嘢。其實真係好難，但係冇咗平衡嘅話，員工係唔會同業務一齊成長，而見唔到有發展嘅時候就當然會另謀高就啦。
