「算帳」
嚟個政府真係好識計數，次次都係陰陰濕濕咁做嘢。當「雨傘運動」啱啱過咗「一百日」，佢就即刻開始第一波「預約拘捕」算賬行動，「秋後算帳」。原因好簡單，因為聽日佢哋就會係立法會開會嘅時候就啟動政改第二階段諮詢公作。林鄭月娥將會係立法會宣讀聲明，啟動為期兩個月嘅政改諮詢。如果個個議員俾你拉咗，係唔係會易啲通過方案？
「民情」
其實係唔係又咁啱得咁橋呢？樣樣嘢一齊嚟。好揀唔揀，偏偏就揀啟動政改第二階段諮詢前一日去提交「民情報告」。就算提交咗，入面嘅內容咪又係如大家所料，不盡不實咁囉。警察打人又唔講，點解市民出嚟抗議又扭曲事實，講啲唔講啲。仲要用啲錯嘅民意調查數據做附件，真係廢話唔怕多。咁點解唔佢哋唔講下自己有幾錯呢？
「白票」
嚟幾日好多人都討論「白票」守尾門？其實普羅大眾係唔會知道乜嘢係「白票」。白票係等於棄權票（Abstention vote），係逆反票嘅一種。選民表示候選人沒有一位值得選擇，係視為另類示威。一般嚟講，投白票屬無效票亦等於棄權，不會列入結果。跟據現行香港《行政長官選舉條例》，需全體選舉委員過半數有效票才能當選，投空白票或其它無效票太多可令候選人達唔到門檻而無法選出行政長官。咁有幾多人會投「白票」呢？唔好傻啦！
