「叱吒」
唔知有冇人諗過係一個香港嘅音樂頒獎典禮，除咗主流嘅音樂之外，其實仲好以俾我哋一班小市民去發聲！正如何韻詩係台上面講『2014年，係香港經歷最大轉變嘅一年。喺一個從來只有權貴可以發聲，從來充滿潛規則嘅地方，雨傘運動由年輕人去證明咗，原來嚟到呢個新年代，每一個人都有表達自己，用自己嘅方法去發聲嘅權利。我地唔再需要別人去為我地提供舞台，我地發現，只要係有人民嘅地方，我地就可以創造出屬於我地每一個人嘅舞台。』係度多謝「叱吒」嚟個咁包容嘅舞台！
「癲㗎」
係唔係癲㗎？係！我哋係癲㗎！我哋有一班市民用 2,887票去證明我哋有幾癲！癲到拎《撐起雨傘》可以獲得叱咤樂壇我最喜愛的歌曲大獎！『今日係 2015年嘅第一日，我地相信，一個嶄新嘅香港已經萌芽。但我地亦知道，未來將會更嚴峻，我地將會面對更多打壓及不公義。但正如歌詞裡面所講，「任暴雨下，志向未倒下」，雖然我地都只係雞蛋，面對高牆，我地一時三刻可能無能力去推翻，但我地依然可以將我地嘅意志畫上去，令我地嘅信念遍地開花。』
「雨傘」
好多謝大家係 2014年撐起每一把雨傘，2015年我哋冇得輸！大家「一起的撐，一起舉傘」！香港加油！我都會繼續用我收集返嚟嘅「雨。感受」令雨傘繼續遍地開花！『《撐起雨傘》記錄咗一個時代，佢唔係屬於任何一位歌手，任何一間唱片公司，任何一個單位，《撐起雨傘》係屬於 2014年，有為我地嘅地方付出過汗水與淚水，每一位有為自己去爭取過嘅香港人。』
注：內容係轉載自「何韻詩」係「叱咤頒獎典禮」嘅台上感言！
