「新年」
今日係2015年嘅第一日，希望大家今年有個好開始，健健康康，快快樂樂，幸幸福福！最希望今年天災人禍可以少啲！一月一號終於天氣好返啲，雖然今年冇去睇日出，不過都去咗南丫島睇日落。睇到大家繼續抗爭同用不形式去令雨傘遍地開花，希望今晚「撐起雨傘」可以攞到叱咤歌曲大奬！
「時事」
本來因為新年，所以唔想寫太多關於政治同時事嘅嘢。不過都想講啲警察同政府用一啲咁嘅手段去打壓一個細路女，真係非常可恥！只不過用粉筆畫一朵花都容不下，真係氣憤！到除夕，特首選擇係海上面整個乜乜儀式真係龜縮到冇朋友！到亞洲電視，好心佢快啲執鬼咗佢啦！都無曬錢仲要死撐！
「國際」
最後想講空難同上海人踩人事件。亞航空難睇到好唔開心。雖然話未知點解發生意外，但係到呢一刻好多消息講完之後，其實係唔係可以避勉到呢？不過希望大家可以安息，今年唔好再有咁多空難！到上海人踩人，不論係玩物喪志，用假銀紙制造混亂導至悲劇發生，定係人嘅質素導致人踩人。希望大家可以反思，唔好再俾呢啲悲劇一再從演！
